A maior parte de veciños,
co seu alcalde ó fronte, están que ferven pola decisión da Junta de Castilla e
León de suprimir o Toro de la Vega. Apuntan que se trata dunha tradición de séculos
que se ten que manter… home esta ben iso de respectar e manter tradicións. Na época
do comezo desta tradición tamén queimaban herexes que non respectaban as
crenzas da Santa Inquisición. Noutros anos (non van tantos) tamén facían uso do
‘garrote vil’. Poden os veciños co seu alcalde á cabeza instaurar entre veciños
estas tradicións aínda que só nos dias de festa… Unha cousa é defender unha
tradición e outra moi distinta defender a estes animais salvaxes facendo
salvaxadas! Cando digo animais!! Non falo de bóvidos.
Nas moitas
visitas reais a Tordesillas e outros acontecementos importantes era costume
celebrar festexos taurinos, dende encerros, alanzamentos, touros namorados ou
embolados, ate despenamento de touros e otros animais. A singularidade reside que séguese a
manter o festexo, a pesar dos inevitables cambios a pesar do xiro cultural da
propia sociedade o traveso dos anos, e seguen a identificarse como o máis antigo
vestixio das festas de touros, un referente antropolóxico.
Acabar ca financiación
pública destes espectáculos lamentables é a clave, penso eu, para liquidar toda
esta sen razón e brutalidade. Pero non só ás institucións, tamén fundacións,
empresas públicas ou participadas terían que ter prohibido financiar a
barbarie.
Poderían ter
conservado o amor polo produto local, pan candeal, lechuguino, cuatro canteros…
pero o pan que se vende nas panaderías é esbrancuxado chicle máscao, a sopa
castellana, os viños da bodega de Tordesillas, denominados Muedra, Osluga e
Alidobas… as pastas e doces feitos polas monxas do Convento de Santa Clara. Poderían
ter conservado a paisaxe, a natureza, os ríos pero preferiron importar cangrexos
americanos... Poderían ter conservado seus edificios emblemáticos… En cambio,
optaron por manter unha tradición: TORTURAR E MATAR todo un espectáculo bárbaro.
Viva a tradición!
Ningún comentario:
Publicar un comentario